गजल
– श्रेष्ठ सत्य
मायाँ प्रेम भनिए नि स्वार्थकै घर देखें ।
आफन्त ठानिएकै सबै भन्दा पर देखें ।।
शत्रुहरु त्यतिसारो खतरनाक हुन्नन्,
मित्रहरुकै यहाँ भयंकर डर देखें ।
हाँसेर मात्र जो जिउन चाहन्छ यहाँ ,
उसैको जीवनमा आँसुका नहर देखें ।
नीति र नियमका कुरा मात्र सुनिइने,
बेइमानीहरुकै बस्ती अनि शहर देखें ।
सत्य त जहाँ पनि एक्लै एक्लै पर्दोरैछ ,
असत्यलाई संसारमा थुप्रै भर देखें ।
दोलखा, नेपाल
हाल बेलायत
No comments:
Post a Comment