– श्रेष्ठ सत्य
नमेटिने, नफेरिने थर छैन कसैको ।
मरि जाने जिन्दगिमा भर छैन कसैको ।।
चौतारी मात्रै हो संसार यो दुइ पलको,
दुनियाँमा चिरस्थायी घर छैन कसैको ।
मन्त्री, सेनापति, अरब र खरबपति,
कालको सामुन्नेमा पावर छैन कसैको ।
कर्मफल भोग्नैपर्छ जति धूर्त भए पनि,
चोरलाई साधु बन्न कर छैन कसैको ।
झुल्छन् सबै भूत र भविष्यको झोलुंगेमा,
वर्तमान क्षणमा नजर छैन कसैको ।
मृत्युलाई सहजै स्वीकार्नेहरुका लागि,
सत्यको बाहेक अरु डर छैन कसैको ।
दोलखा, नेपाल ।
